Leswi Hi Nga Swi Vulaka Hi Timagazini

Xihondzo xo Rindza Apr. 15

“Vanhu vo tala va xiye leswaku emalembeni ya sweswinyana, swilo swa moya a swa ha rhandziwi. Xana u swi xiyile leswi? [Yimela nhlamulo. Kutani u hlaya Pisalema 119:105.] Swilo swa moya swi nga pfuna vanhu leswaku va papalata ku endla swihoxo evuton’wini. Magazini lowu wu kombisa laha swilo swa moya swa xiviri, swi nga kumekaka kona.”

Xihondzo xo Rindza May. 1

“A hi swivutiso hinkwaswo leswi vanhu va kotaka ku swi hlamula. Xiya xikombiso lexi. [Hlaya Yobo 21:7.] Xana u kale u va ni xivutiso lexi u lavaka ku xi vutisa Xikwembu? [Yimela nhlamulo.] Magazini lowu wu hlamusela ndlela leyi vanhu emisaveni hinkwayo va kumeke tinhlamulo leti enerisaka ta swivutiso swinharhu swa nkoka evuton’wini bya munhu.”

Xalamuka! May. 8

“Emisaveni leyi, leyi nga ni rivilo, vanhu vo tala va vona onge vana va vona va kula hi ku hatlisa. Xana u tshama u anakanya hi mhaka leyi? [Yimela nhlamulo. Kutani u hlaya Eklesiasta 3:1, 4.] Nkarhi wa vuhlangi a hi nkarhi wa ku rhwala vutihlamuleri bya vanhu lavakulu. Nkandziyiso lowu wa Xalamuka! wu hlamusela ndlela leyi vatswari va nga wu sirhelelaka ha yona nkarhi wa vuntshwa, wa vana va vona.”

“Vo tala va hina hi tiva un’wana la nga ni vuvabyi bya chukela. Xana u byi tiva kahle vuvabyi lebyi? [N’wi kombe xifunengeto xa magazini, kutani u yimela nhlamulo.] Magazini lowu wu kombisa leswaku vuvabyi lebyi byi vangiwa hi yini ni ndlela leyi byi nga tshunguriwaka ha yona. Wu tlhela wu vulavula hi xitshembiso xa Bibele xo herisa vuvabyi hinkwabyo hi laha ku nga heriki.” Gimeta hi ku hlaya Esaya 33:24.