Branch Letter

Eka Vahuweleri Lava Rhandzekaka,

“Xikwembu hi xona lexi hambeteke xi swi kurisa.” (1 Kor. 3:6) A hi ku tsakisa ka swona ku vona ku andza loku veke kona ensin’wini ya rhavi ra Afrika Dzonga eka lembe ra ntirho ra 2003.

N’hweti ya April a yi ri n’hweti yo hlawuleka! Afrika Dzonga yi vike nhlohlori leyintshwa ya vahuweleri va 73 456 ni tidyondzo ta Bibele ta 97 066; Namibia yi vike tidyondzo ta Bibele ta 1 725, tiawara ta 26 216, timagazini ta 18 811 ni maendzo yo vuyela ya 9 130; Lesotho yi vike vahuweleri va 2 942 ni tidyondzo ta Bibele ta 4 220; kasi Botswana yi vike vahuweleri va 1 288. Vamakwerhu va le Swaziland ni le St. Helena va bumabumeriwa hi ku tikarhata ka vona.

Yehovha wa wu katekisa ntirho lowu endliwaka ku pfuna vanhu lava feke tindleve. Vandlha ro sungula leri tirhisaka Ririmi ra Mavoko ri simekiwile hi July 1 eJoni naswona ri ta pfuna vanhu lava feke tindleve etindhawini to tala ta le Gauteng. Mintlawa ya Ririmi ra Mavoko eCape Town, Durban, Windhoek, na le Gaborone na yona yi endla nhluvuko lowukulu.

Eku heleni ka July, 35 wa Tiholo ta Mfumo letintshwa ti nyiketeriwile naswona ku ni tin’wana to tala leta ha akiwaka. Tikomiti To Aka Ta Xifundzha ta 25 ni vatirhi vo tala va ku tirhandzela va nkhensiwa hikwalaho ka ntirho wa nkoka lowu va wu endlaka.

Leswaku ku endliwa tibuku to tala ta le nsin’wini, muako wa vugandliselo wa le Roodekrans wu karhi wa kurisiwa. Tikontraka leti hirhiweke ti karhi ti endla nhluvuko swinene naswona muako lowu wo engetela wu ta hela eku sunguleni ka lembe ra 2004. Kwalomu ka April 2004 ku ta fika muchini lowukulu wa ku gandlisa. Muchini lowu wu ta gandlisa kwalomu ka timagazini ta 25 hi sekoni. Ku ta tlhela ku simekiwa muchini lowuntshwa wa ku hlanganisa tibuku hi lembe ra 2004.

Tanihi leswi hi sungulaka lembe ra ntirho ra 2004, hina swin’we na n’wina hi khongelela leswaku Yehovha ‘ku va yena la hambetaka a kurisa.’

Vamakwenu,

Hofisi ya Rhavi ra Afrika Dzonga