Malunghiselelo Ya Ku Hi Pfuna Leswaku Hi Papalata Ngati

Vahuweleri lava khuvuriweke lava va tshameke va tata khadi ra Advance Medical Directive/Release kumbe Identity Card leri ri nga kombisiki siku leri ri gandlisiweke ha rona kumbe leri nga tsariwa 3/99, a swi bohi leswaku va tata rin’wana lembe leri. Eka Nhlangano wa Ntirho wa vhiki ra January 26, matsalana u fanele a ta ni makhadi lama eneleke leswaku a ta ma nyika vahuweleri lava va ha ku khuvuriwaka, vana va vona ni ku nyika lava va lahlekeriweke hi ya vona. Loko vandlha ri lava makhadi lama engetelekeke, matsalana a nga ha kombela eka mavandlha lama nga ekusuhi kumbe a endla oda loko a rhumela oda ya tibuku ta vandlha.

Makhadi lawa ma fanele ma tatiwa kahle ekaya kambe a ma FANELANGA ma sayiniwa. Eka Dyondzo ya Buku ya Vandlha leyi landzelaka, makhadi lawa ma fanele ma sayiniwa ku tlhela ku sayina ni timbhoni, ku tsariwa ni siku, hi ku pfuniwa hi mulanguteri wa dyondzo ya buku. Timbhoni ti fanele ti n’wi vona n’wini wa khadi loko a ri sayina.

Vahuweleri lava nga khuvuriwangiki va nga ha titsalela hi ta vutshunguri lebyi va byi navelaka vona ni vana va vona hi ku tirhisa man’wana ya marito lama nga eka khadi ra Advance Medical Directive/Release ni Identity Card.