Mpfuxeto Wa Tinhla Ta Nongonoko Wa Siku Ra Nhlengeletano Yo Hlawuleka
Rungula leri ri ta tirhiseriwa ku lunghiselela ni ku pfuxeta nongonoko wa siku ra nhlengeletano yo hlawuleka ya lembe ra ntirho ra 2005. Xihloko lexi nge “Lunghiselelo Lerintshwa Ro Pfuxeta Nongonoko Wa Tinhlengeletano,” lexi kumekaka eka tluka 4 eka xiengetelo lexi, xi ta hlamusela ndlela leyi ri nga ta nyikeriwa ha yona. Hi nkarhi wa mpfuxeto, tiyiseka leswaku u vutisa swivutiso hinkwaswo hi nkarhi lowu u nyikiweke wona. Xikongomelo xa mpfuxeto ku fanele ku va ku kombisa ndlela leyi hi nga ri tirhisaka ha yona rungula leri nyikeriweke.
XIYIMISO XA NIMIXO
1. Ha yini ku tshama ku ri ni xilaveko xo yingisa Yehovha? Swi vula yini ku yingisa? (“Lexi Endlaka Leswaku Hi Yingisa Rito Ra Yehovha”)
2. Mindyangu yi nga endla njhani leswaku yi tshama yi ri ni xiyimiso lexinene xa mintirho ya swa moya? (“Mindyangu Leyi Yingisaka Rito Ra Xikwembu Yi Nga Kavanyeti Hi Nchumu”)
3. Vamakwerhu va le xifundzheni va yi tirhise hi ndlela yihi minkarhi leyi va pfulekeleke leswaku va chumayela hi xitshuketa? (“Ku Endla Swilo Hinkwaswo Leswaku Hi Vangamisa Xikwembu”)
4. Hi nga dyondza yini eka swikombiso leswi nga xilemukiso, leswi kumekaka eka Vaheveru tindzimana 3 na 4? Hi yihi ndlela leyi Yehovha a vulavulaka na hina ha yona namuntlha? (“Ku Yingisa Loko Xikwembu Xi Vulavula Na Hina Swa Hi Sirhelela”)
5. Nkulumo ya nkhuvulo yi ku vuyerise hi ndlela yihi? (“Ku Tinyiketela Ni Nkhuvulo”)
XIYIMISO XA NINDZHENGA
6. Hi nga dyondza yini eka Yesu loko a ha ri muntshwa, naswona hi yihi ndlela leyi vantshwa va laha xifundzheni va tekelelaka xikombiso xa yena ha yona? (“Ndlela Leyi Ku Yingisa Rito Ra Xikwembu Ku Tiyisaka Vantshwa Va Hina Ha Yona”)
7. Hi tihi tindlela tin’wana leti ha tona vatswari va nga sungulaka ku letela tincece ni vana va vona hi tindlela ta Yehovha? (“Swihlangi Leswi Yingisaka Xikwembu Ivi Swi Dyondza”)
8. Hi le ka swilo swihi swin’wana laha hi faneleke hi rhiya ndleve loko ku vulavula Yehovha, N’wana wa yena ni “hlonga ro tshembeka ni ro tlhariha”? (Mat. 24:45) Ha yini swi ri swa nkoka leswaku hi endla tano? (“Tshama U Ri Karhi U Yingisa Ndzetelo Wa Xikwembu”)