Mpfuxeto Wa Tinhla Ta Nongonoko Wa Siku Ra Nhlengeletano Yo Hlawuleka

Rungula leri ri ta tirhisiwa eka nongonoko wa Nhlangano wa Ntirho loko vandlha ri ri kusuhi ni ku ya niloko ra ha ku vuya enhlengeletanweni yo hlawuleka ya siku rin’we ya lembe ra ntirho ra 2006. Mulanguteri la ungamelaka u ta hlela leswaku ku va ni bulo ro lunghekela leswi nga ta dyondziwa enhlengeletanweni ni mpfuxeto loko ku vuyiwa, hilaha swi hlamuseriweke hakona eka Vutirheli Bya Hina Bya Mfumo bya August 2004, tluka 4. Hi nkarhi wa mpfuxeto, ku fanele ku vutisiwa swivutiso hinkwaswo, ku kombisiwa ndlela leyi hi nga ri tirhisaka ha yona rungula leri hi ri tweke enhlengeletanweni.

XIYIMISO XA NIMIXO

1. Xana swi vula yini ku hlayisa tihlo ra wena ri olova naswona ha yini sweswo swi tika namuntlha? (“Ha Yini U Fanele Ku Hlayisa Tihlo Ra Wena Ri Olova?”)

2. Xana hi vuyeriwa njhani loko hi hlayisa tihlo ra hina ri olova? (“Kuma Mikateko Hi Ku Hlayisa Tihlo Ra Wena Ri Olova”)

3. Hi rihi khombo leri mintirho yo tala leyi ku vuriwaka leswaku yi tolovelekile yi nga na rona? (“Tihlo Ra Wena A Ri Tshame Ri Olova eMisaveni Leyo Homboloka”)

XIYIMISO XA NINDZHENGA

4. Xana vatswari ni vamakwerhu lavan’wana va nga va khutaza njhani vantshwa leswaku va tivekela tipakani ta swa moya? (“Vatswari Lava Tivaka Ku Copa Hi Miseve Ya Vona Va Nga Hupi” ni leyi nge “Vantshwa Lava Tivekelaka Tipakani Ta Swa Moya”)

5. Xana hi nga fambisana njhani ni nhlengeletano ya Yehovha (a) tanihi hi munhu ha un’we? (b) tanihi mindyangu? (c) tanihi vandlha? (“Hitekela Ku Fambisana Ni Nhlengeletano Ya Yehovha”)