Mpfuxeto Wa Tinhla Ta Nhlengeletano Ya Xifundzha — Watchtower LAYIBURARI YA LE KA WEB SITE

Mpfuxeto Wa Tinhla Ta Nhlengeletano Ya Xifundzha

Rungula leri ri ta tirhisiwa eka nongonoko wa Nhlangano wa Ntirho loko vandlha ri ri kusuhi ni ku ya niloko ra ha ku vuya enhlengeletanweni ya xifundzha ya lembe ra ntirho ra 2006. Mulanguteri la ungamelaka u ta hlela leswaku ku va ni bulo ro lunghekela leswi nga ta dyondziwa enhlengeletanweni ni mpfuxeto loko ku vuyiwa, hilaha swi hlamuseriweke hakona eka Vutirheli Bya Hina Bya Mfumo bya August 2004, tluka 4. Hi nkarhi wa mpfuxeto, ku fanele ku vutisiwa swivutiso hinkwaswo, ku kombisiwa ndlela leyi hi nga ri tirhisaka ha yona rungula leri hi ri tweke enhlengeletanweni.

SIKU RO SUNGULA

1. Xana hi byi ambala njhani vumunhu lebyintshwa naswona ha yini hi fanele hi tshama hi byi ambarile?

2. Xana van’wana va wu engetela njhani nkarhi lowu va wu hetaka va ri eku chumayeleni?

3. Ha yini hi fanele hi papalata ku tipimanisa ni van’wana?

4. Xana swirho swa ndyangu swi nga kombisa njhani ekaya leswaku swi ambale vumunhu lebyintshwa?

5. Xana hi nga swi kombisa njhani leswaku hi seketela vandlha hi ku tshembeka?

6. Ha yini hi fanele hi kombisa vumunhu lebyintshwa ensin’wini?

7. Xana ku anakanyisisa hi ndlela leyi faneleke swi katsa yini, naswona hi vuyeriwa njhani loko hi anakanyisisa tano?

8. Hi tihi timfanelo leti nga ta hi endla hi vumbeka hi ku olova emavokweni ya Yehovha?

SIKU RA VUMBIRHI

9. Xana i swa nkoka hi ndlela yihi ku tirhisa ririmi ra hina hi ndlela leyi faneleke?

10. Xana hi vuyeriwa njhani loko hi vulavula hi ndlela leyinene ni vatirhi-kulorhi swin’we ni lava hi nghenaka na vona xikolo ku katsa ni van’wana?

11. Xana hi nga yi tirhisa njhani ndzayo ya Pawulo leyi nga eka Vaefesa 4:25-32 loko hi tirhisana ni vapfumeri-kulorhi?

12. Hi yihi ndlela leyinene ngopfu yo tirhisa ririmi ra hina?

13. Xana hi fanele hi endla yini leswaku hi hlula lowo homboloka?

14. Hi kwihi laha hi faneleke hi endla matshalatshala yo tshama hi nga ri na xivati xa misava?

15. Ha yini hi fanele hi pfuxeta munhu wa le ndzeni siku ni siku naswona hi nga swi endla njhani sweswo?

16. Hi yihi ndzayo leyi u kunguhataka ku yi tirhisa leyi u yi kumeke enhlengeletanweni ya xifundzha ya nan’waka?