Mpfuxeto Wa Tinhla Ta Nhlengeletano Ya Xifundzha

Rungula leri ri ta tirhisiwa ku lunghiselela ni ku pfuxeta nongonoko wa nhlengeletano ya xifundzha ya lembe ra ntirho ra 2005. Xihloko lexi nge “Lunghiselelo Lerintshwa Ro Pfuxeta Nongonoko Wa Tinhlengeletano,” lexi kumekaka eka tluka 4 eka xiengetelo lexi, xi ta hlamusela ndlela leyi ri nga ta nyikeriwa ha yona. Hi nkarhi wa mpfuxeto, tiyiseka leswaku u vutisa swivutiso hinkwaswo hi nkarhi lowu u nyikiweke wona. Xikongomelo xa mpfuxeto lowu ku fanele ku va ku kombisa ndlela leyi hi nga ri tirhisaka ha yona rungula leri nyikeriweke.

XIYIMISO XA SIKU RO SUNGULA NIMIXO

1. I yini lexi nga hi pfunaka leswaku hi kuma vutlhari bya Xikwembu?

2. Hi wahi matshalatshala lawa vamakwerhu va laha xifundzheni va ma endleke leswaku va chumayela vanhu vo tala hi mahungu lamanene?

XIYIMISO XA SIKU RO SUNGULA NINDZHENGA

3. Ha yini swi ri swa nkoka leswaku Vakreste va tshama va basile emianakanyweni? Xana leswi swi lava leswaku hi endla yini?

4. Hi nga swi kombisa njhani leswaku hi hanyisana hi ku rhula ni vamakwerhu?

5. Swi vula yini ku anakanyela naswona hi nga ku kombisa njhani hi ndlela leyi hi tirhisaka nkarhi wa hina ha yona?

6. Hi dyondza yini eka xikombiso xa Sawulo na Nowa? Hi nga swi kombisa njhani leswaku hi ‘tiyimisele ku yingisa’? (Yak. 3:17)

7. Xana Vakreste va nga tivonela hi ndlela yihi leswaku va papalata ku hanya vutomi bya mikoka mimbirhi?

8. Hi nga xi tekelela njhani xikombiso xa Pawulo emhakeni ya ku vulavula hi vutlhari bya Xikwembu?

XIYIMISO XA SIKU RA VUMBIRHI NIMIXO

9. Ha yini hi fanele ku va ni vuxiyaxiya loko hi hlawula mintirho leyi hi yi endlaka, naswona i yini lexi nga hi pfunaka leswaku hi endla tano?

10. Hi wahi matshalatshala lawa vamakwerhu va le xifundzheni va ma endlaka leswaku va nga xwi eminhlanganweni naswona sweswo swi va vuyerise hi ndlela yihi?

11. Xana tinhloko ta mindyangu ti nga yi aka njhani mindyangu ya tona?

12. Hi swihi swilaveko swa xifundzha leswi hi komberiweke ku antswisa eka swona?

XIYIMISO XA SIKU RA VUMBIRHI NINDZHENGA

13. Hilaha nkulumo ya le rivaleni yi kombiseke hakona, xana vutlhari lebyi humaka ehenhla byi humesa mintirho yihi leyinene?

14. Ha yini ku ri vuhunguki ku titshemba kumbe ku tshemba lava nga kongomisiwiki hi vutlhari bya Xikwembu? Hi kwihi laha hi faneleke hi tivonela kona?

15. Hi yihi mintlhamu leyi vutlhari bya Xikwembu byi hi sirhelelaka eka yona?

16. Ha yini swi ri swa nkoka leswaku hi tirhisa ndzayo leyi hi nyikiweke yona eka nongonoko wa nhlengeletano ya xifundzha?