Vuyeriwa Hi Vhidiyo Leyi Nge No Blood—Medicine Meets the Challenge

Xana u byi tiva ku fika kwihi vutshunguri lebyi nga kona lebyi ku nga tirhisiwiki ngati eka byona? Xana wa byi tiva vutshunguri byin’wana lebyi tirhisiwaka ematshan’weni ya ngati ni ndlela leyi byi tirhaka ha yona? Hlalela vhidiyo leyi kutani u pfuxeta vutivi bya wena hi swivutiso leswi landzelaka.—Xitsundzuxo: Hikwalaho ka leswi ku nga ni swivono swo koma swa ku handzuriwa ka vanhu eka vhidiyo leyi, vatswari va fanele va tirhisa vutlhari loko va endla xiboho xa leswaku hi swihi swivono leswi vana va vona va nga swi hlalelaka.

(1) Hi xihi xivangelo-nkulu lexi endlaka Timbhoni ta Yehovha ti ala ku pomperiwa ngati, naswona nsinya wa nawu lowu wu kumeka kwihi eBibeleni? (2) Loko swi ta emhakeni ya vutshunguri, xana hi navela ku tshunguriwa njhani? (3) Hi tihi timfanelo leti vavabyi va nga na tona? (4) Ha yini swi twisiseka naswona ku ri vutlhari ku ala ku pomperiwa ngati? (5) Loko ku hume ngati yo tala, hi tihi tindlela timbirhi ta xihatla leti madokodela ma nga ti tirhisaka? (6) Hi wahi makhombo lama fambisanaka ni ku pomperiwa ngati? (7) Hi swihi switirho swin’wana leswi nga kona leswi madokodela ya vuhandzuri ma nga swi tirhisaka leswaku ngati yi nga humi ngopfu loko ma ri karhi ma endla vuhandzuri? (8) Hi rihi rungula leri u faneleke u byeriwa rona mayelana ni matshungulelo man’wana ni man’wana lama nga tirhisiwaka ematshan’weni ya ngati? (9) Xana vuhandzuri lebyikulu ni lebyi rharhanganeke byi nga endliwa handle ko pomperiwa ngati? (10) I yini leswi madokodela yo tala ma tsakelaka ku pfuna Timbhoni ta Yehovha ha swona, naswona hi yihi ndlela leyi vanhu hinkwavo va nga ta hetelela va tshunguriwa ha yona?

Ku pfumela ku tshunguriwa hi ndlela leyi kombisiweke eka vhidiyo leyi i xiboho xa munhu hi yexe lexi a xi endleke hi ku pfumelelana ni ripfalo ra yena.—Vona Xihondzo xo Rindza xa June 15, 2004, matl. 22-4, 29-31 ni xa October 15, 2000, matl. 30-1.