Leswi Hi Nga Swi Vulaka Hi Timagazini

Xihondzo xo Rindza Sept. 15

“Vanhu emisaveni hinkwayo va tshame va twa hi ta Yesu Kreste. Van’wana va ri a a ri munhu la tolovelekeke. Van’wana va n’wi gandzela tanihi Xikwembu xa Matimba Hinkwawo. Xana u ehleketa leswaku Yesu Kreste a a ri mani? [Yimela nhlamulo.] Magazini lowu wu n’wi hlamusela kahle leswaku a a ri mani, a a huma kwihi nileswaku u le kwihi sweswi.” Hlaya Yohane 17:3.

Xihondzo xo Rindza Oct. 1

Hlaya xivutiso lexi nga eka xifunengeto. Kutani u vutisa u ku: “Xana wa swi tiva leswaku hi xihi xikombiso lexi ku vulavuriwaka ha xona laha? [Yimela nhlamulo. Kutani u hlaya Matewu. 24:3.] Nkandziyiso lowu wa Xihondzo xo Rindza wu kambisisa tinhla-nkulu ta ntlhanu ta xikombiso lexi, wu tlhela wu hlamusela leswaku ha yini hi fanele ku ti xiya.” N’wi kombe bokisi leri nga eka tluka 6.

Xalamuka! Oct. 8

“Vanhu vo tala swa va tikela ku kuma ndhawu leyinene yo tshama eka yona. Xana u ehleketa leswaku swi ta endleka leswaku siku rin’wana hinkwerhu hi va ni tindlu letinene? [Yimela nhlamulo.] Xalamuka! leyi yi ni xiviko xa sweswinyana xa xiphiqo xa ku kayivela ka tindlu. Nakambe yi vula xivangelo lexi hi nga tiyisekaka ha xona leswaku xitshembiso xa Xikwembu emhakeni leyi xi ta hetiseka.” Hlaya Esaya 65:21, 22.

Xingheniso Xin’wana: “Ku nwa byala ku tlula mpimo swi vanga swiphiqo swo tala ngopfu. Magazini lowu wu komba leswi byala byi swi endlaka emirini wa munhu. [N’wi kombe xifaniso lexi nga eka tluka 7.] Swihloko leswi swi vulavula hi ndlela leyi vanhu va nga tshikaka ha yona ku nwa ku tlula mpimo ni leswi van’wana va nga swi endlaka leswaku va va pfuna.”