Leswi Hi Nga Swi Vulaka Hi Timagazini

Xihondzo xo Rindza June 15

“Xana u swi xiyile leswaku namuntlha vanhu vo tala vo tihlawulela leswaku hi swihi leswi nga swinene ni leswo biha? [Yimela nhlamulo.] Twana nkongomiso wun’wana lowu nga hundzeriwiki hi nkarhi lowu nga eBibeleni. [Hlaya tsalwa ebokisini leri nga eka matluka 6-7.] Magazini lowu wu hlamusela ndlela leyi hi nga ta vuyeriwa ha yona loko hi amukela milawu ya Bibele ya mahanyelo lamanene.”

Xalamuka! June

“Hinkwerhu hi lava mali leswaku hi kota ku hanya. Xana u ehleketa leswaku swa endleka leswaku munhu a karhateka ku tlula mpimo hi ku kuma mali? [Yimela nhlamulo.] Xiya leswi vuriwaka hi tsalwa leri malunghana ni ku hlongorisa rifuwo. [Hlaya 1 Timotiya 6:10.] Magazini lowu wu ni swiringanyeto leswi pfunaka mayelana ni ndlela leyi munhu a nga byi olovisaka ha yona vutomi bya yena leswaku a kota ku tihanyela hi mali yitsongo.”

Xihondzo xo Rindza July 1

“Xana u tshama u tivutisa leswaku ha yini vanhu va khomiwa hi ndlela yo biha hikwalaho ka leswi va nga va rixaka rin’wana kumbe va tiko rimbe kumbe hikwalaho ka leswi va vulavulaka ririmi rin’wana? [Yimela nhlamulo.] Twana leswi tsalwa leri ri swi vulaka. [Hlaya 1 Yohane 4:20.] Magazini lowu wu hlamula xivutiso lexi nge, Xana swi nga koteka leswaku tinxaka ti twanana?”

Xalamuka! July

“Vanhu va ni vuswikoti byo tihlawulela ndlela leyi va lavaka ku hanya ha yona hikuva a va fani ni swiharhi leswi hanyaka hi ku ya hi ndlela leyi swi tumbuluxiweke ha yona. Xana u ehleketa leswaku hi nga wu kuma kwihi nkongomiso lowunene wa ndlela leyi hi faneleke hi hanya ha yona? [Yimela nhlamulo. Kutani u hlaya Pisalema 119:105.] Magazini lowu wu hlamusela nkoka wa ku landzela nkongomiso wa Bibele.”