Leswi Hi Nga Swi Vulaka Loko Hi Fambisa Timagazini

Xihondzo Xo Rindza Oct. 1

“Vativi va ta mindyangu va xiye leswaku tatana u ni vutihlamuleri lebyikulu endyangwini wakwe. Xana u ehleketa leswaku i yini lexi endlaka munhu a va tatana lonene? [Yimela nhlamulo.] Eka Yohane 5:19, Yesu u kandziyise ndlela leyi xikombiso xa Tata wakwe xi n’wi pfuneke ha yona. [Yi hlaye.] Xihloko lexi xi boxa tinhla ta tsevu leti nga ku pfunaka leswaku u va tatana lonene.” N’wi kombe xihloko lexi sungulaka eka tluka 18.

Xalamuka! Oct.

“Vanhu va vukhongeri byo hambana-hambana a va vuli leswi fanaka loko swi ta emhakeni yo hlamusela leswi Xikwembu xi nga xiswona. Kambe, xana Yesu u xi hlamusele njhani? Twana marito ya Yesu lama nga eka Yohane 4:24. [Yi hlaye.] Xihloko lexi nga eka matluka lamambirhi, xi hlamula xivutiso lexi nge ‘Xana Xikwembu xi ni miri wa muxaka muni?’ hi ku ya hi leswi Bibele yi swi dyondzisaka.” N’wi kombe xihloko lexi nga eka tluka 24 na 25.

Xihondzo Xo Rindza Nov. 1

“Vanhu vo tala swa va tikela ku pfumela dyondzo ya leswaku Xikwembu lexi hi rhandzaka xi nga hi tshika hi xaniseka hilaha ku nga heriki. Wena u ri yini hi mhaka leyi? [Yimela nhlamulo.] Bibele yi dyondzisa leswaku Xikwembu a xi na tihanyi. [Hlaya Ezekiyele 18:23.] Ndza tshemba leswaku u ta swi tsakela leswi Matsalwa lama nga eka magazini lowu ma swi vulaka.”

Xalamuka! Nov.

“Hi ntolovelo vanhu va ehleketa leswaku loko u dumile, u ri ni timali naswona u ri ni vulawuri byo karhi sweswo swi vula leswaku vutomi byi ku fambela kahle. Xana u nga n’wi vona njhani munhu loko vutomi byi n’wi fambela kahle? [Yimela nhlamulo.] Twana leswi Bibele yi swi vulaka, ku nga swona leswi endlaka leswaku vutomi byi n’wi fambela kahle munhu. [Hlaya Pisalema 1:1-3.] Xihloko lexi xi hlamusela tinhla ta tsevu leti endlaka leswaku vutomi byi n’wi fambela kahle munhu.” N’wi kombe xihloko lexi sungulaka eka tluka 6.