Leswi Hi Nga Swi Vulaka Loko Hi Fambisa Timagazini

Xihondzo Xo Rindza Dec. 1

“Loko ku tiwa emhakeni yo basisa ni yo sivela mavabyi, xana u swi xiyile leswaku vanhu va ni milawu leyi nga faniki? [Yimela nhlamulo.] Hi lexi xivangelo xin’wana lexi endlaka leswaku ku basa ku va mhaka ya nkoka. [Hlaya 1 Petro 1:16.] Xihloko lexi xi ni swiringanyeto leswi pfunaka emhakeni yo basa.” N’wi kombe xihloko lexi sungulaka eka tluka 9.

Xalamuka! Dec.

“Enkarhini lowu wa lembe vanhu vo tala va ringeta ku xixima Yesu. Hi ku ya hi ndzimana leyi, xana u nga ku hi yihi ndlela leyinene yo n’wi xixima? [Hlaya Yohane 14:15 kutani u yimela nhlamulo.] Siku ra ku tswariwa ka Yesu a ri tiviwi, kambe swi nga ha ku hlamarisa ku twa leswaku ha yini ku hlawuriwe December 25 tanihi siku ra Khisimusi.” N’wi kombe xihloko lexi sungulaka eka tluka 10.

Xihondzo Xo Rindza Dec. Jan. 1

“Emisaveni hinkwayo vanhu va vula timhaka to hambana-hambana malunghana na Mariya mana wa Yesu. Xana wena u ri yini hi yena? [Yimela nhlamulo.] Bibele yi komba leswaku Mariya u ve ni vutihlamuleri byo hlawuleka ematin’wini. [Hlaya Luka 1:30-32.] Magazini lowu wu hlamusela leswi hi nga swi dyondzaka eka xikombiso xa yena.”

Xalamuka! Jan.

“Emisaveni hinkwayo mativa ni milambu yo tala ya phya, naswona timiliyoni ta vanhu a ti swi koti ku kuma mati yo nwa lama baseke. Xana u ehleketa leswaku munhu a nga swi kota ku tlhantlha xiphiqo lexi hilaha ku heleleke? [Yimela nhlamulo, kutani u hlaya Yeremiya 10:23.] Magazini lowu wu hlamusela ntlhantlho wa xiviri lowu kumekaka eBibeleni.”