Xana U Tshame U Xi Tirhisa Xifunengeto Xa Magazini?

Hakanyingi loko vanhu va kuma magazini va languta xifunengeto xa wona. Xifunengeto xa le ndzhaku xa nkandziyiso wa vanhu hinkwavo wa Xihondzo xo Rindza xi ni swivutiso leswi pfuxaka ku tsakela, naswona swi kombisa ni matluka lawa rungula ra kona ri kumekaka eka wona.

Hi nga swi tirhisa tanihi swingheniso leswaku hi sungula bulo. Loko nsimu ya kona hi yi tirha nkarhi na nkarhi, hi nga tirhisa swingheniso swo hambana-hambana hi ku vutisa swivutiso leswi nga faniki n’hweti hinkwayo. Loko n’wini wa muti a khomekile, hi nga komisa xingheniso xa hina hi ku n’wi komba xin’wana xa swivutiso leswi nga eka xifunengeto xa le ndzhaku kutani hi ku, “Leswaku u kuma nhlamulo ya xona, ndzi nga tsakela ku ku siyela timagazini leti naswona hi ta bula swo tala loko u ri ni nkarhi.” Vahuweleri van’wana va nga ha sungula bulo hi ku komba n’wini wa muti xifunengeto xa le ndzhaku kutani va n’wi vutisa leswaku hi xihi xivutiso lexi a nga rhandzaka ku kuma nhlamulo ya xona. Va nga ha n’wi komba laha nhlamulo yi kumekaka kona kutani va hlaya tsalwa leri va ri hlawuleke ka ha ri emahlweni. Kumbexana u nga ha tirhisa tindlela tin’wana leswaku u sungula bulo hi ku tirhisa xifunengeto xa le ndzhaku xa Xihondzo xo Rindza.