Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa August

“Vanhu vo tala va le ka vukhongeri byo hambana-hambana naswona va gandzela Xikwembu hi tindlela leti nga faniki. Xana u ehleketa leswaku Xikwembu xi titwisa ku yini hi mhaka leyi? [Yimela nhlamulo.] Xiya leswi Yesu a swi dyondziseke hi mhaka leyi.” Nyika n’wini wa muti kopi ya Xihondzo xo Rindza xa August 1 kutani u hlaya na yena rungula leri nga ehansi ka xihlokwana xo sungula lexi nga eka tluka 16 ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza August 1

“Xana vana va nga dyondzisiwa hi Xikwembu loko va ha ri vatsongo kumbe i swinene ku va tshika kukondza va kula kutani u va pfumelela leswaku va tihlawulela vukhongeri bya vona? [Yimela nhlamulo.] Xiya leswi Bibele yi byelaka vatswari leswaku va swi endla. [Hlaya Vaefesa 6:4.] Magazini lowu wu nyikela swiletelo swin’wana swa ndlela leyi vatswari va nga dyondzisaka vana va vona hi Xikwembu.”

Xalamuka! August

“Ndzi tsakela ku twa vonelo ra wena hi ndzimana leyi. [Hlaya 1 Samuwele 16:23.] Hi ku ya hi ndzimana leyi, vuyimbeleri byi ni matimba. Xana u anakanya leswaku swa koteka leswaku vuyimbeleri byin’wana byi va ni nkucetelo wo biha? [Yimela nhlamulo.] Magazini lowu wu hlamusela ndlela leyi hi nga byi hlawulaka ha yona hi vutlhari vuyimbeleri bya hina ni ndlela leyi hi nga pfunaka vana va hina leswaku va endla tano na vona.”