Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa August

“Munhu un’wana ni un’wana wa khongela. Hambi lava vulaka leswaku Xikwembu a xi kona va khongelo loko va ri enhlomulweni. Xana u anakanya leswaku Xikwembu xi yingisa swikhongelo hinkwaswo?” Yimela nhlamulo. N’wi kombe xifunengeto xo hetelela xa Xihondzo xo Rindza xa August 1, kutani mi kambisisa swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi landzelaka.

Xiya: Nkombiso wa xingheniso lexi wu fanele wu endliwa hi nkarhi wa nhlangano wa nsimu hi August 3.

Xihondzo xo Rindza August 1

“Hi ku endzele swa nkarhinyana hikuva vanhu vo tala va tivutisa leswaku swifaniso swo navetisa rimbewu swi ta hangalaka ku fikela kwihi. Kambe, van’wana vo tala va vula leswaku swifaniso swo navetisa rimbewu a swi na khombo. Wena u ri yini? [Yimela nhlamulo.] Yesu u vule leswaku loko swilo swi ri swinene hi ta swi vona hi vuyelo bya swona. [Hlaya Matewu 7:17] Magazini lowu wu hi kombisa vuyelo bya swifaniso swo navetisa rimbewu. Wu tlhela wu hlamusela magoza lawa munhu a nga ma tekaka leswaku a papalata swifaniso swo navetisa rimbewu.”

Xalamuka! August

“Vo tala va hina hi lava ku hanya hilaha ku nga heriki. Xana u anakanya leswaku ku va sayense yi endla nhluvuko swi ta endla leswaku hi hanya hilaha ku nga heriki? [Yimela nhlamulo.] Xiya xitshembiso lexi xa nkoka. [Hlaya 1 Vakorinto 15:26.] Kambe xana Xikwembu xi ta xi hetisisa njhani xitshembiso lexi—hi ku tirhisa sayense kumbe hi ku tirhisa swin’wana? Naswona ha yini sweswi hi dyuhala hi tlhela hi fa? Magazini lowu wu kombisa ndlela leyi Bibele yi hlamulaka swivutiso leswi ha yona.”