Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa December

“Ndza tiyiseka leswaku u ta pfumela leswaku un’wana ni un’wana wa va lava vanghana. Hi yihi mfanelo leyi u yi tekaka yi ri ya nkoka ngopfu eka munghana? [Yimela nhlamulo.] Xiya leswi magazini lowu wu swi vulaka malunghana ni leswaku ha yini hi fanele hi hlawula vanghana hi vukheta.” Nyika n’wini wa muti kopi ya Xihondzo xo Rindza xa December 1 kutani u hlaya u tlhela u bula na yena hi rungula leri nga ehansi ka xihlokwana xo sungula lexi nga eka tluka 16. Hlaya rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku mi ta kambisisa nhlamulo ya xivutiso lexi landzelaka.

Xihondzo xo Rindza December 1

“Xana u tshame u tivutisa leswaku ha yini ku ri ni timhangu to tala ta ntumbuluko? [Yimela nhlamulo.] Lexi tsakisaka, Bibele yi profete hi nkarhi lowu eka wona ku nga ta va ni timhangu. [Hlaya Matewu 24:7, 8.] Magazini lowu wu hlamula swivutiso leswi: Ha yini namuntlha hi vona timhangu to tala ta ntumbuluko? Xana i nxupulo lowu humaka eka Xikwembu? Hi swihi swivangelo leswi nga kona swo pfumela leswaku ku nga ri khale Xikwembu xi ta herisa timhangu hinkwato ta ntumbuluko?”

Xalamuka! December

Hlaya 2 Timotiya 3:16. Kutani u ku: “Vanhu van’wana va pfumela leswaku Bibele yi huhuteriwe hi Xikwembu, kambe van’wana a va pfumeli. Xana u ehleketa yini? [Yimela nhlamulo.] Hambileswi ku nga ni mavonelo yo hambana-hambana eka xivutiso xexo, vanhu va pfumela leswaku ku hava buku yin’wana leyi poneke ku herisiwa ku fana na yona. Magazini lowu wu hlamusela matshalatshala man’wana yo herisa Bibele ni ku sivela ku hlayiwa ka yona ku ringana malembe-xidzana. Wu tlhela wu hlamusela xivangelo xo va yi ponile.”