Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa December

“Vanhu to tala va langutele ku vuya ka Yesu. Loko Yesu a vuya, i yini lexi u nga tsakelaka leswaku a xi endla?” Yimela nhlamulo. N’wi kombe tluka ro hetelela ra Xihondzo xo Rindza xa December 1 kutani mi kambisisa swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi siyele magazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza December 1

“Masiku lawa vanhu va khomeke swinene lerova ku va va anakanya hi Xikwembu swa va tikela. Xana u anakanya leswaku i swa nkoka leswaku hi katsa Xikwembu evuton’wini bya hina? [Yimela nhlamulo.] EDyondzweni ya Yesu leyi dumeke ya le Ntshaveni, u vule leswaku ku va hi va ni ntsako wa xiviri hi fanele hi khathala hi xilaveko xa moya. [Hlaya Matewu 5:3.] Magazini lowu wu hlamusela swivangelo swinharhu leswi endlaka hi lava Xikwembu.”

Xalamuka! December

“Vo tala va hina hi ni mavonelo lama fambisanaka ni swilo leswi hi swi twaka kumbe leswi vuriwaka hi vahaxi va mahungu. Xana u anakanya leswaku mahungu lawa hi ma twaka ma pakanisa naswona i ya ntiyiso? [Yimela nhlamulo.] Bibele yi hi byela leswaku hi va ni vuxiya-xiya eka leswi hi swi twaka. [Hlaya Yobo 12:11.] Magazini lowu wu hi nyika swiringanyeto swin’wana leswi nga hi pfunaka leswaku hi kambisisa marito lawa hi ma twaka ni ku ma hlaya.”