Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa December

“Hi nkarhi lowu wa lembe, vanhu vo tala va ehleketa hi Yesu. Hi ku ya hi wena, hi wihi nchumu lowukulu lowu Yesu a wu hetisiseke? [Yimela nhlamulo.] Vona nhloko-mhaka ya xihloko lexi eka tluka 16.” Nyika n’wini wa muti Xihondzo xo Rindza xa December 1, kutani u hlaya na yena rungula leri nga ehansi ka xihlokwana xo karhi ni tsalwa rin’we leri kombisiweke. N’wi siyele magazini kutani u hlela ku tlhela u vuya leswaku mi ta bula hi xivutiso lexi landzelaka.

Xihondzo xo Rindza December 1

“Eka nguva leyi, vanhu vo tala va ngheniwa hi moya wa Khisimusi. Hi yihi yinhla leyi u anakanyaka leswaku i ya nkoka eka leti nga laha? [N’wi kombe nxaxamelo eka tluka 3 kutani u yimela nhlamulo. Nakambe u pfula eka xihloko lexi landzelaka ivi u hlaya tsalwa ra nhloko-mhaka.] Magazini lowu wu kandziyisa tindlela leti hi nga ta tsundzuka Yesu ha tona lembe hinkwaro ku nga ri hi nkarhi wa Khisimusi ntsena.”

Xalamuka! December

“Hi ku endzerile hikwalaho ka leswi vanhu vo tala va langutaneke ni ntshikilelo. Xana u anakanya leswaku vanhu va hela mbilu hi ku hatlisa masiku lawa? [Yimela nhlamulo.] Vanhu va n’wana va tshemba leswaku hi hanya eminkarhini leyi nga ni maxangu leyi profetiweke eka 2 Timotiya 3:1. [Yi hlaye] Magazini lowu wu hlamusela leswaku ha yini ku hela mbilu swi vavisa, wu tlhela wu nyikela swiringanyeto swo va la lehisaka mbilu.”