Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula hi December

“Hi endzela vanhu leswaku hi burisana na vona hi swiphiqo leswi mindyangu yi langutanaka na swona. Vatswari vo tala va lava leswaku vana va vona va rhandza Xikwembu. Xana u anakanya leswaku lowu i nchumu lowu vatswari va nga wu dyondzisaka vana va vona kumbe vana va fanele va dyondza ku rhandza Xikwembu hi voxe?” Yimela nhlamulo. N’wi kombe tluka ro hetelela ra Xihondzo xo Rindza xa December 1, kutani mi bula hi rungula leri nga ehansi ka xivutiso xo sungula mi tlhela mi hlaya tsalwa rin’we eka lama kombisiweke. N’wi fambisele timagazini kutani u hlela ku vuya mi ta bula hi xivutiso lexi landzelaka.

Xihondzo xo Rindza December 1

“Hi endzela vanhu swa xinkarhana hi burisana na vona hi Xikwembu. Ha swi tiva leswaku munhu un’wana ni un’wana u ni vonelo ra yena malunghana ni Xikwembu. Xana u anakanya leswaku vanhu vo tala va xi teka tanihi lexi nga riki munhu wa xiviri kumbe tanihi munghana loyi a khathalaka hi vona? [Yimela nhlamulo.] Ndzimana leyi ya Bibele yi hi byela leswaku Xikwembu xi lava hi va ni vuxaka bya njhani na xona. [Hlaya Yakobo 4:8a.] Magazini lowu wu hlamusela swilo swinharhu leswi hi nga swi endlaka leswaku hi titwa hi ri ekusuhi ni Xikwembu.”

Xalamuka! December

“Hi endzela vanhu swa xinkarhana hikwalaho ka leswi hi karhatekaka hi xiphiqo xa rihanyo lexi tolovelekeke. Hi ku ya hi Vandla ra Rihanyo ra Misava Hinkwayo, vuvabyi bya mianakanyo byo tanihi ntshikilelo wa mianakanyo byi ta khoma munhu un’we eka va mune evuton’wini bya vona. Xana u anakanya leswaku vuvabyi bya mianakanyo byi tinyike matimba? [Yimela nhlamulo.] Bibele yi hi tshembisa leswaku enkarhini lowu taka, vanhu lava nga ta va va hanya laha misaveni va ta va va nga ha vabyi naswona va nga ha ri na switlhavi. [Hlaya Nhlavutelo 21:3, 4.] Magazini lowu wu hlamusela swilo swi nga ri swingani leswi munhu un’wana ni un’wana a faneleke a swi tiva malunghana ni vuvabyi bya mianakanyo.”