Ndlela Leyinene Yo Tiphina Hi Tinsimu Ta Mfumo
Malandza ya Xikwembu ma teka vuyimbeleri ku ri nyiko yo saseka leyi humaka eka Yehovha. (Yak. 1:17) Mavandlha yo tala ma tiphina hi ku tlanga tinsimu ta Mfumo, ma ti tlangela ehansi emahlweni ni le ndzhaku ka minhlangano. Ku tlanga tinsimu ta Mfumo i ndlela leyi phyuphyisaka yo hi amukela eminhlanganweni. Ti hi pfuna ku endla leswaku mianakanyo ya hina yi lunghekela vugandzeri. Ku engetela kwalaho, ku tlanga tinsimu letintshwa leti humaka eka risimu ra hina swi hi pfuna leswaku hi yimbelela tinsimu hi ndlela leyi fanelaka. Vuyimbeleri byo tano lebyi tlangiwaka endzhaku ka minhlangano byi endla leswaku ndhawu leyi hi hlanganeke eka yona hi yi tsakela hi tlhela hi tsakela mabulo lama khutazaka. Huvo ha yin’we ya vakulu yi nga endla xiboho xa leswaku yi tlanga vuyimbeleri yi tirhisa Sing to Jehovah—Piano Accompaniment emahlweni ni le ndzhaku ka minhlangano. Yi fanele yi tiyiseka leswaku vholumo yi le hansi naswona a yi endli leswaku vanhu swi va tikela ku bula.