“Rhandzani Nhlengeletano Ya Vamakwenu Hinkwayo”

Marito ya nhloko-mhaka leyi lama huhuteriweke ma tsariwe kwalomu ka malembe ya magidi mambirhi lama hundzeke. (1 Pet. 2:17) Kambe hi fanele hi ma tirhisa ku tlula rini na rini! Xana hi nga wu rhandza njhani nchumu lowukulu ku fana ni vamakwerhu emisaveni hinkwayo? Naswona emisaveni leyi nga riki na rirhandzu, xana hi nga endla yini ku tiyiseka leswaku rirhandzu ra hina a ri heli? (Mat. 24:12) Vona loko u ta swi kota ku hlamula swivutiso leswi landzelaka loko u ri karhi u hlalela vhidiyo leyi nge, Our Whole Association of Brothers.

(1) Hi sungule rini ku va swirho swa nhlangano ya Vakreste ya vamakwerhu? (2) Hi yihi mintirho yinharhu leyi hi hlanganyelaka eka yona swin’we ni vamakwerhu va hina emisaveni hinkwayo? (3) Xana vamakwerhu va swi kombise njhani leswaku va tiyimisele ku chumayela (a) emakhwatini ya le Alaska, (b) ehlalukweni wa le Yuropa ni (c) le makhwatini yo tlhuma ya le Peru? (4) I yini lexi nga xa nkoka malunghana ni ntirho wa hina wo chumayela? (5) Nyika swikombiso swa ndlela leyi Timbhoni ta Yehovha ti chavelelaneke ni ku seketelana ha yona (a) endzhaku ka ku tsekatseka ka misava, (b) endzhaku ka xidzedze, ni (c) hi nkarhi wa nyimpi ya xin’wana-manana? (6) Hi tihi tindlela leti tolovelekeke leti hinkwerhu ka hina hi nga kombisaka mfungho lowukulu wa Vukreste tanihi vamakwerhu? (Yoh. 13:35) (7) Hi byihi vuyelo lebyi vaka kona byo tirha swin’we eku akeni ka Tiholo ta hina ta Mfumo? (8) Xana vamakwerhu va hina va le Yuropa Vuxa ni va le Rhaxiya va pone njhani hi tlhelo ra moya hi nkarhi lowu ntirho a wu yirisiwile? (9) Hi wahi matshalatshala lawa Timbhoni ti ma endlaka yo ya emintsombanweni naswona ha yini? (10) Xana vhidiyo leyi yi ku pfune njhani leswaku u tiyimisela (a) ku gandzela Yehovha eminhlanganweni ya Vukreste hi vun’we swin’we ni vamakwerhu, (b) ku pfuna van’wana loko va lava mpfuno ni (c) ku chumayela hi ku tshembeka hinkwako ni hi nkarhi wun’wana ni wun’wana lowu ku pfulekelaka? (11) Hi rini laha hi nga tirhisaka vhidiyo leyi ensin’wini naswona njhani?

Xivangelo lexikulu xo va swirho swa vamakwerhu va Vakreste hi leswi hi rhandzaka Yehovha. Xisweswo hi rhandza ku dyondza ha yena ni ku dyondzisa van’wana ha yena. Naswona hi rhandza vanhu lava Yehovha a va rhandzaka. Loko hi va pfuna hi nkarhi lowu va lavaka mpfuno, a hi languteli leswaku Xikwembu xi hi nkhensa. Ematshan’weni ya sweswo, hi nkhensa Xikwembu hikuva hi teka vumakwerhu bya hina bya Vukreste tanihi nyiko ya risima leyi humaka eka xona. Leswi makumu ya misava leyi nga riki na rirhandzu ma tshinelaka, onge hi nga hambeta hi rhandza nhlengeletano ya vamakwerhu hinkwayo!