“Ndzi Ta Teka Buku Ya Wena Loko Na Wena U Teka Ya Mina”

Leswi hi leswi vini van’wana va miti va swi vulaka. Leswi hi nga cincisaniki ni vanhu minkandziyiso ya hina kutani hi teka ya vona leyi hangalasaka mavunwa, hi nga hlamula njhani hi vutlhari? (Rhom. 1:25) Hi nga ha ku: “Ndza wu nkhensa nkandziyiso wa wena. Xana wu ri yini malunghana ni ku lulamisa swiphiqo swa vanhu? [Yimela nhlamulo. Loko a ku byela leswaku u ya tihlayela leswaku u kuma nhlamulo, u nga ha n’wi tsundzuxa leswaku a wu n’wi nyikanga nkandziyiso u nga n’wi hlamuselanga leswi wu swi khomeke. Kutani hlaya kumbe u tshaka Matewu 6:9, 10.] Yesu u vule leswaku Mfumo wa Xikwembu wu ta endla leswaku ku rhandza ka Xikwembu ku endliwa emisaveni. Hikokwalaho, ndzi hlaya ntsena minkandziyiso ya vukhongeri leyi vulavulaka hi Mfumo wa Xikwembu. Xana ndzi nga ku komba swilo swo karhi leswi Mfumo wa Xikwembu wu nga ta swi hetisisa eBibeleni?”