“A Ndza Ha N’wi Kumi Ekaya!”
Xana u tshame u vula marito lama nga laha henhla malunghana ni munhu loyi a kombiseke ku tsakela? Hambiloko u ringete ku ya ko tala ekaya ka yena, a wu swi koti ku cheleta mbewu ya ntiyiso leyi u yi byaleke. (1 Kor. 3:6) Minkarhi yin’wana, vahuweleri lava nga ni ntokoto va tsalela munhu loyi va nga ha n’wi kumiki ekaya papila kumbe va siya xipapilana ehansi ka nyangwa wa yindlu yakwe. Vahuweleri van’wana va swi tiva leswaku va nga ha langutana ni ntlhontlho wo va va nga ha n’wi kumi n’wini wa muti ekaya, kutani va kombela nomboro yakwe ya riqingho kumbexana va tlhela va n’wi vutisa va ku, “Xana ndzi nga ku rhumela rungula hi selfoni?” Hi nga ha vika riendzo ro vuyela loko hi tlhelela eka munhu kumbe loko hi n’wi chumayela hi ku tsala papila, hi ku rhumela rungula hi e-mail kumbe hi selfoni, hi ku siya xipapilana ehansi ka nyangwa kumbe hi ku n’wi bela riqingho. Hambiloko swi tika ku n’wi kuma ekaya, hi nga swi kota ku n’wi khutaza leswaku a ya emahlweni a tsakela rungula ra hina.