Swingheniso Leswi Hi Nga Swi Tirhisaka

Xihondzo xo Rindza February 1

“Namuntlha hi nyika vanhu hinkwavo va le ndhawini leyi xiphephana lexi. Xi hlamusela ndlela leyi Bibele yi nga ya nkoka ha yona. Hi lexi xa wena. [Nyika n’wini wa muti xiphephana lexi nge Xana U Yi Teka Njhani Bibele?] Van’wana va tivutisa loko Bibele yi ri ni xitsundzuxo lexi nga va pfunaka entirhweni wa vona. Xiya leswi ndzimana leyi yi swi vulaka malunghana ni ntirho. [Hlaya Eklesiasta 3:13.] Magazini lowu wu ni milawu leyi kongomisaka ya le Bibeleni leyi nga hi pfunaka ku tsakela ntirho wa hina. Xana u nga swi tsakela ku wu hlaya?”

Xalamuka! February

“Hi endzela vaakelani va hina swa xinkarhana leswaku hi va komba nkandziyiso wa sweswinyana wa Xalamuka! Wu hlamula xivutiso lexi tlhontlhaka mianakanyo. [N’wi kombe xifunengeto xa wona.] Ndzi nga tsakela ku twa vonelo ra wena malunghana ni xikombiso lexi, lexi ku vulavuriweke ha xona eka magazini lowu. [Hlaya Swivuriso 29:11.] Xana u anakanya leswaku nawu lowu lowu kongomisaka wa le Bibeleni wa ha tirha ninamuntlha? [Yimela nhlamulo.] Magazini lowu wu vulavula hi milawu ya mune leyi kongomisaka ya le Bibeleni naswona wu hlamusela ndlela leyi hi nga vuyeriwaka ha yona loko hi yi tirhisa.”