Swingheniso Leswi Hi Nga Swi Tirhisaka

Xihondzo xo Rindza August 1

“Hi endze swa xinkarhana leswaku hi pfuna vaakelani va hina va langutana ni xiphiqo lexi tolovelekeke. Xin’wana xa swilo leswi tikaka ngopfu lexi hi bohekaka ku langutana na xona i ku feriwa hi munhu loyi hi n’wi rhandzaka. A swi tano ke? [Yimela nhlamulo.] Xiya xitshembiso lexi, lexi khutazaka xa le Bibeleni. [Hlaya Nhlavutelo 21:3, 4.] Bibele yi hi tshembisa leswaku siku rin’wana vanhu lava feke lava a hi va rhandza va ta pfuka eku feni. Magazini lowu wu hlamusela ndlela leyi sweswo swi nga ta endleka ha yona.”

Xalamuka! August

“Hi komba vaakelani va hina xihloko lexi hlamuselaka hi rungula ro tala leri hlamarisaka leri nga eka tisele ta hina. [N’wi kombe xifunengeto xa Xalamuka!] Vanhu vo tala va anakanya leswaku swilo leswi hanyaka swi lo tiendlekela, kasi van’wana va anakanya leswaku swi lo tumbuluxiwa. Wena u ri yini hi mhaka leyi? [Yimela nhlamulo.] Magazini lowu wu vulavula hi swilo leswi tshuburiweke malunghana ni ndlela yo hlamarisa leyi tisele ta hina ti rharhanganeke ha yona, leswi endleke leswaku vativi van’wana va sayense va tivutisa loko ku ri ni Mutumbuluxi wa swilo leswi hanyaka.”

Mahungu Lamanene Lama Humaka Eka Xikwembu!

“Hi endzela mindyangu leyi nga laha xitarateni xa n’wina leswaku hi burisana na yona hi rungula leri khutazaka leri humaka eBibeleni. Vo tala lava hi vulavuleke na vona va tivutisa leswaku ha yini Xikwembu lexi nga ni rirhandzu xi pfumelela leswaku vanhu va xaniseka laha misaveni. Xana u anakanya leswaku ku xaniseka a ku ri xiphemu xa xikongomelo xa Xikwembu hi misava?” Yimela nhlamulo. Pfula eka Dyondzo 5, ivi mi hlaya mi tlhela mi bula hi tindzimana timbirhi to sungula swin’we ni matsalwa lama voyamisiweke, kutani u n’wi fambisela broxara.