Swingheniso Leswi Hi Nga Swi Tirhisaka

Xihondzo xo Rindza January 1

“Swi tikomba onge i khale ku ri ni vukanganyisi eka hulumendhe. U anakanya leswaku byi vangiwa hi yini? [Yimela nhlamulo.] Ndzi tsakisiwe hi nhlamuselo leyi ya le Bibeleni. [Hlaya Eklesiasta 7:20.] Magazini lowu wu hlamusela ndlela leyi Bibele yi nga ta byi herisa ha yona vukanganyisi. Ndzi kombela u tinyika nkarhi wa ku wu hlaya. Hi lowu wa wena.”

Xalamuka! January

“Vanhu vo tala va pfumela leswaku dyondzo ya ku tihundzukela ka swilo yi hlamusela ndlela leyi vutomi byi sunguleke ha yona, kambe van’wana a va tiyiseki. Xana u anakanya leswaku vutomi byi sungule njhani? [Yimela nhlamulo.] Ndzavisiso lowu endliweke malembe yo tala wu kombisa leswaku ku ni xihlovo xa vutomi. Leswi swi pfumelelana ni xivulwa lexi xo olova lexi kumekaka eBibeleni. [Hlaya Pisalema 36:9.] Magazini lowu wu hlamusela xivangelo lexi endleke vo tala va fikelela xiboho xa leswaku vutomi byi rharhanganile swinene byi tlhela byi hlamarisa lerova a byi lo tiendlekela.”