Ku Antswisa Vutshila Bya Hina Ensin’wini—Ku Pfula Ndlela Yo Endla Riendzo Ro Vuyela

LEXI ENDLAKA SWI VA SWA NKOKA:

Hi lava ku cheleta timbewu ta ntiyiso leti hi ti byaleke. (1Ko 3:6) Loko hi kuma munhu loyi a kombisaka ku tsakela, hi fanele hi n’wi vutisa xivutiso lexi hi nga ta xi hlamula loko hi vuya. Leswi swi ta endla leswaku a hi langutela ni ku va swi hi olovela ku lunghiselela leswi hi nga ta swi vula eka riendzo ro vuyela. Loko hi tlhelela eka yena, hi nga ha n’wi byela leswaku hi vuyele ku ta n’wi hlamula xivutiso lexi hi n’wi vutiseke xona.

NDLELA LEYI U NGA SWI ENDLAKA HA YONA:

• Loko u lunghiselela swingheniso leswi u nga ta swi tirhisa loko u chumayela hi yindlu ni yindlu, lunghiselela ni xivutiso lexi nga ta hlamuriwa eka riendzo leri landzelaka. Xi nga ha va xivutiso lexi nhlamulo ya kona yi kumekaka eka nkandziyiso lowu u wu fambisaka. Kumbe ku nga ha va xivutiso lexi nhlamulo ya kona yi kumekaka eka nkandziyiso wun’wana lowu hi wu tirhisaka ku dyondza ni vanhu ha wona, lowu u hlelaka ku n’wi nyika wona loko u vuya.

• Loko u ri karhi u bula ni munhu loyi a kombisaka ku tsakela, n’wi byele leswaku wa swi tsakela ku tlhela u bula na yena kutani u n’wi vutisa xivutiso lexi u xi lunghiseleleke. Kombela tinomboro ta yena ta riqingho loko swi koteka.

• Loko u n’wi tshembisa leswaku u ta ta hi nkarhi wo karhi, tana hi wona.—Mt 5:37.