Ku Antswisa Vutshila Bya Hina eNsin’wini​—Ku Tirhisa Tivhidiyo Leswaku Hi Dyondzisa

LEXI ENDLAKA SWI VA SWA NKOKA:

Tivhidiyo ti nga fikelela timbilu ta vanhu hikwalaho ka leswi va ti vonaka ni ku tlhela va ti twa. Leswi swi va pfuna leswaku va anakanyisisa hi tona ni ku tlhela ti va nchumu lowu nga rivalekiki. Yehovha u hi vekele xikombiso lexinene xa ku tirhisa swilo leswi vanhu va swi vonaka leswaku a dyondzisa.​—Min 10:9-16; Nhl 1:1.

Vhidiyo leyi nge Xana Xikwembu Xi Ni Vito?, Who Is the Author of the Bible?, ni leyi nge Hi Nga Tiyiseka Njhani Leswaku Leswi Nga eBibeleni I Ntiyiso? ti hlamusela rungula leri engetelekeke ra dyondzo 2 na 3 ya broxara leyi nge Mahungu Lamanene. Vhidiyo leyi nge Ha Yini U Fanele U Dyondza Bibele? Leswi Endlekaka Eka Dyondzo Ya Bibele, ni leyi nge Ku Endliwa Yini eHolweni Ya Mfumo? ti khutaza vanhu leswaku va dyondza Bibele na hina kumbe va ta eminhlanganweni ya vandlha. Nakambe tin’wana ta tivhidiyo ta hina ti nga tirhiseriwa ku dyondzisa eka tidyondzo ta Bibele​—km 5/13 3.

NDLELA LEYI U NGA SWI ENDLAKA HA YONA:

• Kopa vhidiyo leyi u lavaka ku komba n’wini wa muti ka ha ri ni nkarhi

• Lunghiselela xivutiso xin’we kumbe swimbirhi leswi nga ta hlamuriwa hi vhidiyo

• Hlalelani vhidiyo swin’we

• Bulani hi tinhla ta nkoka

RINGETA KU ENDLA LESWI:

• Bulani hi khodi leyi nga eswiphephanini swa hina leyi nga ta ku yisa eka vhidiyo leyi nge Ha Yini U Fanele U Dyondza Bibele?

• N’wi kombe vhidiyo leyi nge Hi Nga Tiyiseka Njhani Leswaku Leswi Nga eBibeleni I Ntiyiso? kutani u n’wi fambisela broxara ya Mahungu Lamanene, u n’wi komba dyondzo 3