Ku Hanya Vutomi Byo Olova Swi Hi Pfuna Leswaku Hi Dzunisa Xikwembu

Namuntlha, swa olova leswaku hi titikisela vutomi hi swilo swo tala. Ku laveka nkarhi ni matimba leswaku hi xava, hi hakela, hi tirhisa, hi hlayisa ni ku tlhela hi sirhelela rifuwo ra hina. Yesu a a hanya vutomi byo olova leswaku rifuwo ri nga kavanyeti vutirheli byakwe.​—Mt 8:20.

Xana u nga byi olovisa njhani vutomi bya wena leswaku u ta endla leswi engetelekeke evutirhelini? Xana mi nga endla mindzulamiso yo karhi leswaku xirho xin’wana endyangwini wa ka n’wina xi nghenela vuphayona? Hambiloko ku ri hileswaku sweswi u le ka ntirho wa nkarhi hinkwawo, xana hakatsongotsongo u pfumelele rifuwo leswaku ri ku tikisela vutomi? Ku hanya vutomi byo olova entirhweni wa Yehovha swa tsakisa naswona swa enerisa.​—1Tm 6:7-9.

Tsala tindlela leti u nga byi olovisaka ha yona vutomi bya wena.