MAHANYELO YA VAKRESTE
Yehovha U Ponisa Lava Hetiweke Matimba
Mikarhi yin’wana hinkwerhu hi titwa hi ri ni gome. Ku va ni gome a swi vuli swona leswaku a hi na rona ripfumelo eka Yehovha. Phela, hambi ku ri Yehovha mikarhi yin’wana u kombise leswaku u twe ku vava. (Gn 6:5, 6) Kambe ku vuriwa yini loko mikarhi yin’wana hi titwa hi ri ni gome swinene kumbe hambi ku ri mikarhi hinkwayo?
Kombela Yehovha a ku pfuna. Yehovha wa khumbeka swinene hi ndlela leyi hi titwaka hayona. Wa swi tiva loko hi tsakile niloko hi ri ni gome. U twisisa ndlela leyi hi ehleketaka hayona ni ndlela leyi hi endlaka swilo hayona. (Ps 7:9b) Xa nkoka swinene, Yehovha wa khathala hi hina naswona a nga hi pfuna leswaku hi kota ku langutana ni gome kumbe ntshikilelo wa mianakanyo.—Ps 34:18.
Sirhelela miehleketo ya wena. Ku hetiwa matimba a swi khumbi ntsako wa hina ntsena, kambe swi kavanyeta ni vuxaka bya hina na Yehovha. Hikwalaho ka sweswo, hi endla kahle loko hi sirhelela mbilu ya hina, ku nga vumunhu bya hina hinkwabyo.—Swiv 4:23.
HLALELANI VHIDIYO LEYI NGE, VAMAKWERHU VA NI KU RHULA HAMBILOKO VA LANGUTANE NI NTSHIKILELO WA MIANAKANYO, KUTANI MI HLAMULA SWIVUTISO LESWI LANDZELAKA:
I yini leswi Nikki a swi endleke leswaku a kota ku langutana ni ntshikilelo wa mianakanyo?
I yini leswi endleke Nikki a vona swi fanerile ku ya lava mpfuno eka dokodela?—Mt 9:12
Nikki u swi kombise hi tindlela tihi leswaku u titshega hi Yehovha leswaku a n’wi pfuna?