Ku Dirowa Swifaniso Swi Ta Ku Pfuna U Tsundzuka Leswi U Swi Dyondzeke

Kumbexana ku fana ni vo tala va hina, swa ku tikela ku tsundzuka leswi u swi dyondzeke. I yini leswi nga ku pfunaka? I ku dirowa swifaniso. Xana u swi xiyile leswaku swa olova ku tsundzuka leswi Yesu a swi dyondziseke hileswi a a tirhisa swifaniso? Hi kota ku swi vona hi mahlo ya mianakanyo leswi a swi dyondziseke naswona sweswo swi hi pfuna leswaku hi swi tsundzuka. Hilaha ku fanaka, u nga tsundzuka swo tala loko u dyondza hi ku tirhisa swifaniso.

Hi xitalo vanhu lava dirowaka swifaniso va kota ku tsundzuka leswi va swi dyondzeke hi ku olova. A swi va pfuni ku tsundzuka marito ntsena kambe swi va pfuna ni ku tsundzuka tinhlankulu. Swifaniso swa vona a hi swifaniso leswi diroweke hi munhu loyi a nga ni vutshila kambe ko va swifaniso swo olova leswi va pfunaka ku tsundzuka leswi va swi dyondzeke. Hambi ku ri vanhu lava kuleke va nga vuyeriwa eka endlelo leri.

Nkarhi lowu taka loko u dyondza, ringeta ku dirowa leswi u swi dyondzeke. Swi ta ku hlamarisa ku vona ndlela leyi u swi tsundzukaka hayona!