Mintirho Ya Timbhoni Ta Yehovha Ya Manguva Lawa

Angola

Nyimpi ya xin’wana-manana leyi heteke makume ya malembe, xana yi nga kavanyeta vanhu ku va ni ripfumelo eka Xikwembu? Xana maxangu ni nxaniso swi nga herisa ku navela hinkwako ko lava ku avelana ni van’wana ntiyiso wa Rito ra Xikwembu? Matimu ya Timbhoni ta Yehovha eAngola ma ba ehansi hi nenge ma ku doo! Matimu ya lava tirhaka etikweni rero ma ta tiyisa ripfumelo ra wena ematimbeni ya Yehovha lama tiyisaka.

Argentina

Anakanya ntlhontlho wa ku chumayela mahungu lamanene etikweni hinkwaro leri naveke endhawini leyi tlulaka 2,7 wa timiliyoni ta swikwere-khilomitara, ku katsa ni tindhawu to hambana-hambana naswona ri ri ni vaaki va mindhavuko yo hambana-hambana. Kutani anakanya ndlela leyi ntirho lowu wu endliweke ha yona loko Timbhoni ta Yehovha ti yirisiwile etikweni ku ringana malembe ya 30. Vona ndlela leyi Timbhoni leti ta le tikweni ra Amerika Dzonga ti hluleke swihinga leswi ha yona.

French Guiana

Ha yini vanhu va tikarhatela ku chumayela mahungu lamanene exikarhi ka makhwati lama tlhumeke lama nga ni makhombo? I yini lexi a xi susumeta vanhu leswaku va hambeta va pela milambu leyi hobomulanaka, hi swikwekwetsu, leswaku va fikelela vanhu va le swimitanini leswi nga ekule? I ku navela ku fikelela vanhu va timbilu leti tshembekeke hi ntiyiso wa Bibele. Hi swona leswi vo tala va swi endleke eFrench Guiana, le Amerika Dzonga. Hlaya matimu ya vona yo tsakisa, lama kombisaka ripfumelo ni xivindzi.