Mintirho Ya Timbhoni Ta Yehovha Ya Manguva Lawa

Moldova

Emalembeni yo tlula 60, Timbhoni ta Yehovha eMoldova ti xanisiwile loko ti fumiwa hi tiko ra Romania leri a ri fumiwa hi hosi, ti tlhela ti xanisiwa hi mfumo wa Vufasisi ni wa Vukhomunisi. Loko tiko ra ha ri ehansi ka mufumi wa Romania ni mfumo wa Vufasisi, Kereke ya Orthodox na yona yi nyanyise ntshikilelo. Nilokoswiritano, sweswi nhlayo ya vaaki va le Moldova lava Timbhoni ti faneleke ti va chumayela hi yin’wana ya tinhlayo letitsongo ngopfu emisaveni hinkwayo! Hlaya ndlela leyi Yehovha a va lwelaka ha yona hinkwavo lava n’wi chavaka ni ku endla leswaku lava va alaka ku landzula ripfumelo ra vona hikwalaho ko chava vanhu, va kota ku hlula.

Matiko Mambirhi Ya Congo

Xana rito leri nge “Congo” ri vula yini eka wena? Vo tala ri va tsundzuxa makhwati lama badlaka hi ku hisa, lama nga bohana lerova dyambu a ri fiki le hansi. Loko u ri karhi u twa pongo leri dlayaka ni tindleve ra tinkawu ni tinyenyana, u twa ni mpfumawulo wa mindzhumba leyi vikaka swo karhi eka swimitana leswi nga le kule. Kumbexana emiehleketweni ya wena u vona nambu wo leha lowu nga ni ndzhope, lowu jikajikaka wu ri karhi wu khuluka katsongo onge i dyinyoka enkaveni wa Afrika. Handle ka leswi, ka ha ri ni swin’wana swo tala eCongo. Vito ra matiko lawa mambirhi i ra nambu lowu wu ma hambanisaka. Ripfumelo ra wena ri ta tiya loko u ri karhi u hlaya ndlela leyi vavanuna ni vavasati va hangalaseke ntiyiso wa Bibele ha yona ematikweni lawa lama kokaka mahlo swonghasi!