Mintirho Ya Timbhoni Ta Yehovha Ya Manguva Lawa

Norway

Tianakanye u ri karhi u chumayela mahungu lamanene etikweni leri nga ni tindhawu leti nga ni mati leti fanaka ni minkova (fjords), tintshava, ayisi, gamboko ni timhofu—tiko leri mivala yo hambana-hambana leyi vangamaka yi voningaka xibakabaka nivusiku hi vuxika. Norway i tiko ro tano. Hlaya u twa hi vamakwerhu lava fambeke hi mabyatso ni hi swilo swo tshwiririka ha swona egambokweni leswaku va ya chumayela vanhu lava tshamaka etindhawini ta le kule, u tlhela u hlaya hi makwerhu la yeke eminhlanganweni hi milenge a nga ambalanga tintangu. Nakambe twana ndlela leyi Vakreste va kombiseke ripfumelo ni xivindzi ha yona hi nkarhi wa ku fuma ka Manazi.

Rwanda

Rirhandzu leri nga riki na vutianakanyi leri Yesu a vuleke leswaku vadyondzisiwa va yena va ta tiviwa ha rona ra vonaka ematin’wini ya tiko leri ra laha Afrika. Vanhu va Yehovha va hoxe vutomi bya vona ekhombyeni naswona minkarhi yin’wana va lahlekeriwe hi byona leswaku va sirhelelana, loko va langutane ni ku vengana ka tinxaka loku vangeke leswaku ku va ni ku yayarhelana ka rixaka loku tsemaka nhlana. Hi leyi mhaka leyi nga rivalekiki ya ku tiyiselela nxaniso ni ku yirisiwa ni xikombiso xa ku tshembeka hambiloko ku ri ni maxangu, miringo ni ku chavisiwa.