Xana Yesu I Xikwembu Xa Matimba Hinkwawo?

Nhlamulo ya Bibele

Vakaneti va Yesu va n’wi hehle hileswaku u tiringanisa ni Xikwembu. (Yohane 5:18; 10:30-33) Hambiswiritano, Yesu a nga vulanga nikatsongo leswaku u ringana ni Xikwembu xa Matimba Hinkwawo. U te: “Tatana u nkulu eka mina.”—Yohane 14:28.

Valandzeri va Yesu vo sungula a va nga n’wi teki a ringana ni Xikwembu xa Matimba Hinkwawo. Hi xikombiso, muapostola Pawulo u tsale leswaku endzhaku ka loko Yesu a pfuxiwile, Xikwembu “xi n’wi tlakusele exiyin’weni lexi tlakukeke.” Swi le rivaleni leswaku Pawulo a a nga pfumeli leswaku Yesu a a ri Xikwembu xa Matimba Hinkwawo. Loko a swi ri tano, Xikwembu a xi ta n’wi tlakusela njhani exiyin’weni lexi tlakukeke?—Vafilipiya 2:9.