Nhlamulo ya Bibele

Bibele ya swi pfumelela ku dlaya vukati. Hambiswiritano, Yesu u boxe xivangelo xin’we ntsena lexi amukelekaka xo dlaya vukati, loko a ku: “Mani na mani la tshikaka nsati wakwe, a teka un’wana, ku nga ri hi xivangelo xa vumbhisa [ku nga ku endla timhaka ta masangu ni munhu loyi u nga tekanangiki na yena] u endla vuoswi.”—Matewu 19:9.

Xikwembu xi venga munhu la dlayaka vukati hi ndlela ya vukanganyisi. Xi ta lava leswaku lava tshikaka vanhu lava tekaneke na vona hi swivangelo leswi nga nyawuriki, ngopfu-ngopfu loko va endla tano hi xikongomelo xo teka un’wana, va tihlamulela eka xona.—Malakiya 2:13-16; Marka 10:9.