Xana Timbhoni Ta Yehovha Ti Ni Vachumayeri Va Xisati?

Ina. Timbhoni ta Yehovha hinkwato i vachumayeri—ku katsa ni timiliyoni ta vavasati. Bibele yi profete leswaku “vavasati lava vulaka mahungu lamanene i vuthu lerikulu.”—Pisalema 68:11.

Vavasati lava nga Timbhoni ta Yehovha va landzela xikombiso lexi vekiweke hi vavasati va le Bibeleni. (Swivuriso 31:10-31) Va hlanganyela hi xitalo eka ntirho wo chumayela hambileswi va nga riki varhangeri emavandlheni. Nakambe va dyondzisa vana va vona milawu ya Bibele. (Swivuriso 1:8) Va swi kombisa hi marito ni hi swiendlo leswaku va tikarhatela ku va ni nkucetelo lowunene.—Tito 2:3-5.