Xana Ku Gembula I Xidyoho?

Nhlamulo ya le Bibeleni

Hambileswi Bibele yi nga vuleki swo tala hi ku gembula, hi nga ti kumela rungula leri engetelekeke hi hexe eka misinya ya milawu ya Bibele leyi nga hi pfunaka hi kota ku vona ku Xikwembu xi swi teka ku ri xidyoho ku gembula.​—Vaefesa 5:​17.a

• Ku gembula ku hlohloteriwa hi makwanga ku nga leswi Xikwembu xi swi vengaka. (1 Vakorinto 6:​9, 10; Vaefesa 5:​3, 5) Vanhu lava va gembulaka va lava leswaku van’wana va lahlekeriwa ku vona va ta vuyeriwa hikwalaho Bibele ya swi sola ku navela swilo swa van’wana.​—Eksoda 20:17; Varhoma 7:7; 13:​9, 10.

• Ku gembula hambi ku ri hi mali leyitsongo ku nga endla hi sungula ku rhandza ngopfu mali.​—1 Timotiya 6:​9, 10.

• Vanhu lava va gembulaka va tshembela eka vukholwahava kumbe eka nkateko. Hambiswiritano, Xikwembu xi teka mikhuva yo tano yi fana ni ku gandzela swifaniso ku nga leswi swi nga fambisaniki ni ku rhandza ka xona.​—Esaya 65:11.

• Bibele yi hi khutaza ku tirha hi matimba leswaku hi kota ku kuma swo karhi ematshan’weni yo lava ku kuma swilo hi nga swi tirhelanga. (Eklesiasta 2:​24; Vaefesa 4:​28) Lava va yingisaka xitsundzuxo xexo xa le Bibeleni va ‘dya leswi vona va swi tirhelaka’.​—2 Vatesalonika 3:​10, 12.

• Ku gembula swi nga pfuxa moya lowu nga riki wunene wa ku phikizana lowu Bibele yi lwisana na wona.​—Vagalatiya 5:​26.