DYONDZO 5

Hlaya Kahle

1 Timotiya 4:13

HI KU KOMISA: Hlaya leswi tsariweke u swi hlayela ehenhla.

Lunghiselela kahle. Twisisa xivangelo xo va mhaka yoleyo yi tsariwile. Loko u ri karhi u hlaya, titolovete ku hoxa tihlo eka marito lama landzelaka leswaku u ta hlaya hi ku khuluka. Papalata ku hlaya marito lama nga riki kona, ku tlula marito kumbe ku siva marito hi man’wana. Xalamukela swihikahato.

Kombela un’wana leswaku a ku yingisela loko u ri karhi u hlaya kutani a ku byela laha u faneleke u lulamisa kona.
Vitana marito hi ndlela leyi faneleke. Loko u nga yi tivi ndlela leyi rito ro karhi ri vitaniwaka ha yona, ri yingisele eka nkandziyiso lowu rhekhodiweke kumbe u kombela munhu loyi a kotaka ku ri hlaya kahle a ku pfuna.
Vulavula hi rito leri twalaka kahle. Vitana marito kahle, tlakusa nhloko u tlhela u pfula nomu kahle. Tikarhatele ku vitana rito ha rin’werin’we.

Papalata ku hlaya hi ndlela leyi nga riki ya ntumbuluko.