DYONDZO 10

Cincacinca Rito

Swivuriso 8:4, 7

HI KU KOMISA: Loko u cincacinca rito, mpfumawulo ni rivilo swi ta endla leswaku leswi u swi dyondzisaka swi twisiseka kahle ni ku fikelela timbilu ta vayingiseri va wena.

NDLELA LEYI U NGA SWI ENDLAKA HA YONA:

Cincacinca mpfumawulo. Tlakusa rito leswaku u kandziyisa tinhla ta nkoka ni ku khutaza vayingiseri va wena. Endla hilaha ku fanaka loko u hlaya Matsalwa lama vulavulaka hi vuavanyisi. Hunguta mpfumawulo leswaku vayingiseri va wena va ta lunghekela ku twa yinhla leyi u lavaka ku yi vula.

U nga tshameli ku tlakusa rito lerova vayingiseri va wena va twa onge wa va holovela. Papalata ku tikokela mahlo hi ku tlakusa rito hi ndlela leyi hundzeletiweke.
Cincacinca rito. Tlakusa rito loko u vulavula hi mhaka leyi khutazaka. Vulavula hi rito ra le hansi loko u vulavula hi mhaka leyi khumbaka mbilu.
Cincacinca rivilo. Vulavula hi ku hatlisa loko u vulavula hi mhaka leyi tsakisaka. Vulavula hi ku nonoka loko u boxa tinhla ta nkoka.

Papalata ku cinca rito hi ndlela leyi nga ta siya vayingiseri va wena va hlamarile. U nga vulavuli hi ku nonoka lerova vayingiseri va wena va nga ha swi twisisi leswi u swi vulaka.