Xiyimiso Xo Dyondza Bibele

Bibele yi tamele vutlhari bya nkoka lebyi nga hi pfunaka evuton’wini. Loko u yi hlaya ni ku anakanyisisa hi leswi u swi dyondzaka ni ku swi tirhisa ‘ndlela ya wena yi ta humelela.’ (Yoxuwa 1:8; Pisalema 1:1-3) U ta tiva Xikwembu ni N’wana wa xona Yesu naswona vutivi byebyo byi ta endla leswaku u ponisiwa.​—Yohane 17:3.

Xana u fanele u ti hlaya hi ndlela yihi tibuku ta Bibele? U nga tirhisa tindlela to hambanahambana. Xiyimiso lexi xo dyondza Bibele xi ku pfuna ku dyondza tibuku ta Bibele hi ku ya hi ntlhandlamano wa tona kumbe hi ku hlawula tinhlokomhaka to karhi. Hi xikombiso, u nga ha hlaya tindzimana to karhi leti vulavulaka hi ndlela leyi Xikwembu xi tirhisaneke ha yona ni Vaisrayele va khale. U nga ha hlaya hi tindzimana to karhi leswaku u dyondza ndlela leyi vandlha ra Vukreste ra lembe xidzana ro sungula ri sunguleke ha rona ni ndlela leyi ri kuleke ha yona. Loko u hlaya tindzimana ti nga ri tingani ta Bibele hi siku, u ta heta Bibele loko lembe ri hela.

Ku nga khathariseki leswaku ku u lava xiyimiso xo dyondza Bibele siku ni siku, xo heta Bibele hi lembe kumbe xiyimiso xa vanhu lava ha ku sungulaka ku hlaya Bibele, swiyimiso leswi swi ta ku pfuna. Dawuniloda xiyimiso lexi xa Bibele, ivi u sungula handle ko ba mariri.