Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa March

“Vanhu vo tala va tlangela siku ra ku velekiwa ka Yesu, xana u anakanya leswaku i swa nkoka ku tsundzuka rifu ra Yesu?” Yimela nhlamulo. Nyika n’wini wa muti Xihondzo xo Rindza xa March 1, kutani u hlaya na yena rungula leri nga ehansi ka xihlokwana xo sungula lexi nga eka tluka 16 ni rin’wana ra matsalwa. Endla malunghiselelo yo tlhela u vuya leswaku mi ta bula hi xivutiso lexi landzelaka.

Xihondzo xo Rindza March 1

“Ku ni tikereke ni mintlawa yo tala leyi pfumelaka eka swilo ni mikhuva yo hambana-hambana. Xana u anakanya leswaku munhu un’wana ni un’wana loyi a tivulaka Mukreste, i Mukreste hakunene? [Yimela nhlamulo.] Hi ku ya hi Yesu lowu i mfungho lowu hlawulaka Vakreste va ntiyiso. [Hlaya Yohane 13:34, 35.] Magazini lowu wu hlamusela tinhla ta ntlhanu ta Yesu leti hi pfunaka ku vona valandzeri vakwe va ntiyiso.”

Xalamuka! March

“Hi vulavula ni vaakelani va hina malunghana ni mukhuva lowu nga tsakisiki. Swi tikomba onge vanhu namuntlha va hlundzuka ngopfu naswona va hatlisa va kariha. U ehleketa leswaku sweswo swi vangiwa hi yini? [Yimela nhlamulo.] Xiya leswi Bibele yi swi vulaka hi ku hlundzuka. [Hlaya Pisalema 37:8.] Magazini lowu wu xaxameta swin’wana swa swivangelo leswi andzisaka ku hlundzuka namuntlha ni tindlela leti hi nga lawulaka ku hlundzuka ha tona.”