Swingheniso Leswi Hi Nga Swi Tirhisaka

Xihondzo xo Rindza October 1

“Hi fambisela un’wana ni un’wana wa vaakelani va hina magazini lowu wo tsakisa wa Xihondzo xo Rindza. [N’wi kombe xifunengeto xa wona.] Vanhu van’wana va anakanya leswaku ku khongela i ku tlanga hi nkarhi hikuva a ku na loyi a va yingisaka. Van’wana va anakanya leswaku Xikwembu xa swi yingisa swikhongelo swa vona. Wena u swi vonisa ku yini? [Yimela nhlamulo.] Xiya leswi Bibele yi swi vulaka hi xikhongelo. [Hlaya Esaya 30:19.] Magazini lowu wu nyikela vumbhoni bya leswaku Xikwembu xi yingisa swikhongelo swa vanhu lava khongelaka hi ndlela leyi faneleke naswona va kombela swilo leswi nga swinene, xi tlhela xi swi hlamula.”

Xalamuka! October

“Hi endzela vaakelani va hina swa xinkarhana hikuva vanhu vo tala va tivutisa leswaku ha yini Xikwembu xi pfumelela ku xaniseka. Xana u anakanya leswaku ku vutisa Xikwembu swivutiso swo tano, swi vula leswaku wa xi delela? [Yimela nhlamulo.] Yobo wanuna wo lulama u vule leswaku a a navela ku vutisa Xikwembu swivutiso. [Hlaya Yobo 23:3-5.] Magazini lowu wu ni tinhlamulo leti enerisaka leti kumekaka eBibeleni ta swivutiso swinharhu leswi vanhu vo tala a va ta tsakela ku swi vutisa Xikwembu loko a vo nyikiwa nkarhi.”