Mihlamulo Ya Biblia
Hi nga li tiva a lisine xungetano hi Nungungulu?
Hikuyini Nungungulu a lavako lezaku hi tiva lisine? Gonza Johani 17:3
Nungungulu i kari a wulawula ni vanhu. I tirisile moya wakwe wa ku basa, lezaku a chela maalakanyo yakwe ka lava a va tirisileko kasi ku tsala Biblia. (2 Pedro 1:20, 21) Hi nga tiva lisine xungetano hi Nungungulu hi ku gonza a Biblia. — Gonza Johani 17:17; 2 Timote 3:16.
Lomu ka Biblia, Nungungulu i tivisa zilo zo tala xungetano hi yena. I zi veka laha kubaseni lezaku hikuyini a vangileko vanhu, zini a to va mahela, ni lezi a lavako ku hi hanyisa zona. (Mitiro 17:24-27) Jehova i lava lezaku hi tiva lisine xungetano hi yena. — Gonza 1 Timote 2:3, 4.
Hikuyini Nungungulu a tsakako hi lava va ranzako lisine?
Jehova i Nungungulu wa lisine, niku i lo rumela N’wana wakwe, Jesu, lezaku a ta gonzisa a lisine ka vanhu. Hikwalaho, lava va ranzako lisine va kokiwa vata ka Jesu. (Johani 18:37) Nungungulu i lava vanhu vo khwatsi hi lavo lezaku va maha vakhozeli vakwe. — Gonza Johani 4:23, 24.
Satani Diabolus i valela vanhu vo tala a ku tiva Nungungulu hi ku hangalasa a tigonzo ta mawunwa xungetano hi Nungungulu. (2 Va Le Korinte 4:3, 4) Lava va nga ranziko za zi nene va kokiwa hi tigonzo leto ta mawunwa. (Va Le Roma 1:25) Kanilezi, a vanhu va timiliyoni va timbilu ti nene va kari va kuma lisine xungetano hi Nungungulu hi ku gonza a Biblia. — Gonza Mitiro 17:11.