“Nyikela A Revista Ga Kale Kutani Broxura Gihi Ni Gihi Legi Gi Tsakisako Munhu Loye”

Ka tihweti leti hi nyikelako a bhuku A Biblia Gi Gonzisako hi tlhela hi sangula a xigonzo ka lienzo lo sangula, hi kuciwa a ku “nyikela a revista ga kale kutani broxura gihi ni gihi legi gi tsakisako munhu loye” loku a nwinyi wa muti a sina a hi ni bhuku legi ni loku a nga vumeli a xigonzo. Hikuyini?

A mabroxura ni marevista ya kale ma wulawula hi timhaka to hambanahambana ti chikelako hi xikhati xi faneleko. Ku nga hava ni xo kari nzeni ka marevista lawo lexi xi zi kotako ku khumba a mbilu ya nwinyi wa muti. Hikwalaho, a xikhati lexi u chelako mabhuku paxteni ya wena ya simu, tlhela u chela mabroxura yo hambanahambana ni marevista ya kale. Loku u nga hi na marevista ya kale, kuzilava u nga kombela yokari le balkawu ya mabhuku. A xinwani hi lezaku loku a nwinyi wa muti a sina a hi nago a bhuku A Biblia Gi Gonzisako na a nga vumeli ku gonza a Biblia, u nga ha mu komba a marevista kutani mabroxura yo kari xikari ka lawa u nga nawo u tlhela u mu kuca a ku teka lawa ma mu tsakisako. Anzhako ka lezo, bhula naye xungetano hi ku mu tlhelela kasi ku hlakulela a kutsakela kakwe. Kuzilava ku nga huma xigonzo kwalaho.