Engetela wutlhari ga wena wutirelini — nyika wukustumunyu hi interfone

Hikuyini zi nga za lisima: A ku nyika wukustumunyu hi interfone (muchinana wu tshamako laha nyangweni ya muti) zi nga ha chavisa. Hi nga potsisa kuyini ku tsika a xikarato lexi xi hungula a kuhiseka ka hina mitirweni yo saseka? Alakanya lezaku ka tshuka ku nga hi na ndlela yinwani ya ku chiketa mahungu yo saseka ka vanhu ahandle ka ku tirisa interfone. (Rom. 10:14) A matshango ma komba lezaku a ndlela leyi ya vuna ku nyika wukustumunyu gi nene. (Wona a Anuário de 2011, pp. 65-66, ni Anuário de 2000, p. 54, nzi. 3.) Wona mawonela lawa ma lanzelako.

Mamahela ya kona:

• Longisela xingheniso xo koma, u xi tsala kasi u ya lerela nwinyi wa muti hi laha ka interfone. Lezo zi nga ku nyika kutsumba. Na wa ha chikela, tlhamusela a kungo ga wena ga ku mu enzela. Tirisa a vito gakwe loku gi tsalilwe laha ka xaxameto wa vahanyi. Gumesa hi ku wula lezaku u tsakela ku mu nyika xiphephana kutani revista legi gi to mu nyika manwani mahungu (kutani ku gi siya laha nyangweni.)

• Famba na u hi ni kutsumba. Nwayitela u tlhela u tirisa mawoko a ku khwatsi mo bhula na mu wonana.

• Tlhatlheka u tlhela u ti maha wa mabhulo. Tlhamusa magezu u tlhela u tirisa pfumawulo wu nene. Potsa ku tsema-tsema ku wulawula, kanilezi u nga tsutsumi.

• Tirisa wutlhari. Lomu ka tiyindlu ta hombe ku nga hava ni ti-interfone to tala. Kuzilava u nga ha hlawula kuba xipimo xa tinharu, u tsala lomu u nga ku siya u ti fambela. A vahanyi va ngaza va chava loku ho teka xikhati xo leha na ha ha zama kuba ti-interfone tontlhe.

Ka hweti leyi ringisa lezi:

• Ka wukhozeli ga ngango, vuxetani a mahela legi. Lava va bhulako va wa fularelane.