Engetela Wutlhari Ga Wena Kuchumayeleni — Chumayela hi ku tirisa telefone

HIKUYINI ZVI NGA ZVA LISIMA?: A ku chumayela hi ku tirisa telefone i ndlela ya yinene ya ku “nyikela wukustumunyu go mbhelela ga mahungu ya ma nene.” (Mit 20:24)a Zva vhuna nguvhu kasi hi chumayela a vanhu lava zvi nga kotekiko ku hi va kuma.

MA MAHELA YA KONA:

• 

  Ti longisele. Hlawula hloko mhaka yo khumba mbilu. U nga ha tsala lezvi u lavako ku wula laha ka phepha go kari. Hi ku gumesa longisela a mabhulo yo koma ma wulawulako hi cigelo ci ku mahileko u mu fonele. Zva vhuna nguvhu a ku tshama laha mezeni ni phepha ga wena zvin’we ni material u to lava ku ma tirisa, yo kota muchini u vhulileko a JW Library^® kutani jw.org^®

• 

  Tlhatlheka. Wulawulisa zvalezvi u wulawulisako zvona. N’wayitela u tlhela u tirisa majesto loku loyi u mu fonelako a ku wona. Potsa ku tsema tsema mabhulo na ku nga hi na cigelo. A ku tira ni van’wani zva vhuna kambe. Loku loyi u mu fonelako a maha ciwutiso, tlhela u phinda a ciwutiso leco kasi loyi u chumayelako naye a ta kota ku ku vhuna ku lava hlamulo wa kona

• 

  Siya mhaka yo ta bhula hi yona ka khati ga wumbiri. Loku loyi u mu foneleko a kombisile ku tsakela, u nga mu siyela ciwutiso kasi ku ta hlamula ka khati gin’wani u to mu fonela. Loku zvi koteka u nga mu envhiarela a link ya bhuku go kari, ku mu envhiyarela a link ya vhidhio kutani ya ndzima yo kari, hambu ku mu kongomisa ka saite ya hina