Xumayela lisine xungetano hi Jesu hi kuhiseka

A kuhiseka ka hina ka engetela loku hi tiva ndlela ya ku bhulela vanwani a lisine xungetano hi Jesu. Jesu i ribye ga magumo ga xiseketelo lexi a kukholwa ka lisine ku akiwako ka xona. (Efe. 2:20) Ahandle ka yena hi wa nga tava ni kutsumba ka wutomi. (Miti. 4:12) Hikwalaho, za lisima a ku vontlhe va tiva khwatsi a wutshamu gakwe kungweni ga Nungungulu. A vanhu vo tala va khohliswa hi tigonzo ta mawunwa. A xo biha hi lezaku va ta luza lezi a Mhaka ya Nungungulu yi tsumbisako lava va kholwako ka Jesu. A kuhiseka ka hina hi lisine zi ta hi kuca ku vuna a vanhu va timbilu ti nene lezaku va kuma wutivi ga lisine ha Jesu, wuxaka gakwe na Nungungulu, ni ntiro wakwe kungweni ga Nungungulu. Nguveni leyi ya Xialakanyiso, u ta xumayela lisine ha Jesu hi kuhiseka ke?