MAHANYELA YA WUKRISTU
Vaswa — mu nga hlweli ku nghena hi “nyangwa ya hombe”
Za olova ku alakanya lezaku a masiku ya wuswa ga hina ma nga ta mbhela niku hi nga ta tshuka hi kumana ni ‘masiku ya zikarato’ lawa ma vangiwako hi kukhosahala tikweni legi ga Satani. (Mutsh 12:1) Loku u hi muswa, u nga ha alakanya lezaku wa hi ni xikhati xo tala, niku u nga sangula ku ti karatela ku tatisa mixuvo ya moya yo kota kuva ntirweni wa xikhati xontlhe, ni ka xihi xikhati u xi lavako!
Kanilezi, hontlheni ha ‘chikelelwa hi xikhati, zi dzuka zi hi humela’ — a kupatsa ni vaswa. (Mutsh 9:11) “A mu zi tivi za manziko.” (Jak 4:14) Hikwalaho, mu nga tsiki ku tatisa mixuvo ya moya na ku nga hi na lexi xi mu tsanzekisako. Nghenani hi “nyangwa ya hombe ya ntiro” na ya ha vululekile. (1 Ko 16:9) Mu nga ta ti laya.
Mixuvo yo kari ya moya:
Ku xumayela hi lirimi linwani
Kuva phayona
Ku gonza zikola zo kari za hlengeletano ya Jehova
Ku tira ku aka lomu hlengeletanweni
Ku tira Beteli
Kuva muwoneleli wa xipanze