A tisimu ta Mufumo ta hi tiyisa hlana

Paule na Silasi va dumisile Nungungulu hi tisimu na va hi paxweni. (Mit 16:25) Masikwini ya hina a vamakabye va hina va yimbelele tisimu ta Mufumo na va hi le livaleni la xanisa le Sachsenhausen xikhatini xa vaNazi le Alemanya ni xikhatini lexi va nga khonwilwe vaya Sibéria. A zikombiso lezo zi komba ku a tisimu ti na ni ntamu wa ku tiyisa hlana a maKristu ma kumanako ni ziringo.

Zezanyana a tirimi to tala ti tava ni bhuku ga tisimu gi nga ni hloko ya mhaka yi nge Yimbelela ka Jehova hi kutsaka. Zalezo hi to kuma a bhuku lego ga tisimu, hi nga ti vuxeta wukhozelini ga hina ga ngango kasi ti tshama hlokweni ya hina. (Efe 5:19) Lezo zi ta maha ku a xikhati lexi hi nga zikaratweni, a moya wa ku basa wu hi vuna a ku ti alakanya. A tisimu ta Mufumo ti nga hi vuna ku veka kupima ka zitsumbiso za Jehova. Ti nga hi vuna loku hi kumana ni ziringo. Niku a xikhati lexi hi tsakileko, a tisimu leto to nanziha ti hi maha hi ‘yimbelela hi kutsaka.’ (1 Kr 15:16; Lis 33:1-3) Hikwalaho a hi maheni zontlhe hi zi kotako kasi hi yimbelela a tisimu ta Mufumo!

WONA VIDIYU LISIMU LI HI TIYISILEKO, U GUMA U HLAMULA ZIWUTISO LEZI:

• Zini zi mahileko makabye Frost a tsala lisimu leli?

• A lisimu leli li va vunisile kuyini a vamakabye a xikhati lexi va nga hi livaleni la xanisa le Sachsenhausen?

• Hi ka ziyimo muni za siku ni siku u nga tiyisiwako hi tisimu ta Mufumo?

• Lisimu muni la Mufumo leli u lavako ku li tiva hi hloko?